Matins

Office I (Candlemas to Advent), 1909 Dominican calendar

Prayers Before the Office

Aperi Dómine, os meum ad benedicéndum nomen sanctum tuum: munda quoque cor meum ab ómnibus vanis, pervérsis et aliénis cogitatiónibus; intelléctum illúmina, afféctum inflámma, ut digne, atténte, ac devóte hoc Offícium recitáre váleam, et exaudíri mérear ante conspéctum divínæ Majestátis túæ. Per Christum Dóminum nostrum.

℟ Amen.

Dómine, in unióne illíus divínæ intentiónis, qua ipse in terris laudes Deo persolvísti, has tibi Horas (vel hanc tibi Horam) persólvo.

Introduction

Ave María, grátia plena; Dóminus tecum.

℟ Benedícta tu in muliéribus, et benedíctus fructus ventris tui Jesus.

℣ Dómine, lábia ✠ mea apéries.

℟ Et os meum annuntiábit laudem tuam.

℣ Deus ✠ in adjutórium meum inténde.

℟ Dómine, ad adjuvándum me festína.

℣ Glória Patri, et Fílio, * et Spirítui Sancto.

℟ Sicut erat in princípio, et nunc, et semper, * et in sǽcula sæculórum. Amen. (outside Lent:) Allelúia. (from Septuagesima to Holy Saturday:) Laus tibi, Dómine, Rex ætérnæ glóriæ.

Invitatorium

Psalmus 94

• Veníte, exsultémus Dómino, jubilémus Deo, salutári nostro: præoccupémus fáciem ejus in confessióne, et in psalmis jubilémus ei.
• Regem Vírginis Fílium, * Veníte, adorémus.
• Quóniam Deus magnus Dóminus, et Rex magnus super omnes deos, quóniam non repéllet Dóminus plebem suam: quia in manu ejus sunt omnes fines terræ, et altitúdines móntium ipse cónspicit.
• Veníte, adorémus.
• Quóniam ipsíus est mare, et ipse fecit illud, et áridam fundavérunt manus ejus (genuflectitur) veníte, adorémus, et procidámus ante Deum: plorémus coram Dómino, qui fecit nos, quia ipse est Dóminus, Deus noster; nos autem pópulus ejus, et oves páscuæ ejus.
• Regem Vírginis Fílium, * Veníte, adorémus.
• Hódie, si vocem ejus audiéritis, nolíte obduráre corda vestra, sicut in exacerbatióne secúndum diem tentatiónis in desérto: ubi tentavérunt me patres vestri, probavérunt et vidérunt ópera mea.
• Veníte, adorémus.
• Quadragínta annis próximus fui generatióni huic, et dixi; Semper hi errant corde, ipsi vero non cognovérunt vias meas: quibus jurávi in ira mea; Si introíbunt in réquiem meam.
• Regem Vírginis Fílium, * Veníte, adorémus.
• Glória Patri, et Fílio, * et Spirítui Sancto.
• Sicut erat in princípio, et nunc, et semper, * et in sǽcula sæculórum. Amen.

Hymnus

Quem terra, pontus, ǽthera
Colunt, adórant, prædicant,
Trinam regéntem máchinam,
Claustrum Maríæ bájulat.

Cui luna, sol, et ómnia
Desérviunt per témpora,
Perfúsa cæli grátia,
Gestant puéllæ víscera.

Beáta Mater múnere,
Cujus supérnus ártifex
Mundum pugíllo cóntinens,
Ventris sub arca clausus est.

Beáta cæli núntio,
Fœcúnda sancto Spíritu,
Desiderátus géntibus,
Cujus per alvum fusus est.

María, mater grátiæ,
Mater misericórdiæ,
Tu nos ab hoste prótege,
Et hora mortis súscipe.

Glória tibi, Dómine,
Qui natus es de Vírgine,
Cum Patre et almo Spíritu,
In sempitérna sǽcula.

Amen.

Psalmus 8

• Dómine, Dóminus noster, * quam admirábile est nomen tuum in univérsa terra!
• Quóniam eleváta est magnificéntia tua, * super cælos.
• Ex ore infántium et lacténtium perfecísti laudem propter inimícos tuos, * ut déstruas inimícum et ultórem.
• Quóniam vidébo cælos tuos, ópera digitórum tuórum: * lunam et stellas, quæ tu fundásti.
• Quid est homo quod memor es ejus? * aut fílius hóminis, quóniam vísitas eum?
• Minuísti eum paulo minus ab Ángelis, glória et honóre coronásti eum: * et constituísti eum super ópera mánuum tuárum.
• Ómnia subjecísti sub pédibus ejus, * oves et boves univérsas: ínsuper et pécora campi.
• Vólucres cæli, et pisces maris, * qui perámbulant sémitas maris.
• Dómine, Dóminus noster, * quam admirábile est nomen tuum in univérsa terra!
• Glória Patri, et Fílio, * et Spirítui Sancto.
• Sicut erat in princípio, et nunc, et semper, * et in sǽcula sæculórum. Amen.

Psalmus 18

• Cæli enárrant glóriam Dei: * et ópera mánuum ejus annúntiat firmaméntum.
• Dies diéi erúctat verbum, * et nox nocti índicat sciéntiam.
• Non sunt loquélæ, neque sermónes, * quorum non audiántur voces eórum.
• In omnem terram exívit sonus eórum: * et in fines orbis terræ verba eórum.
• In sole pósuit tabernáculum suum: * et ipse tamquam sponsus procédens de thálamo suo:
• Exsultávit ut gigas ad curréndam viam, * a summo cælo egréssio ejus:
• Et occúrsus ejus usque ad summum ejus: * nec est qui se abscóndat a calóre ejus.
• Lex Dómini immaculáta, convértens ánimas: * testimónium Dómini fidéle, sapiéntiam præstans párvulis.
• Justítiæ Dómini rectæ, lætificántes corda: * præcéptum Dómini lúcidum, illúminans óculos.
• Timor Dómini sanctus, pérmanens in sǽculum sǽculi: * judícia Dómini vera, justificáta in semetípsa.
• Desiderabília super aurum et lápidem pretiósum multum: * et dulcióra super mel et favum.
• Étenim servus tuus custódit ea, * in custodiéndis illis retribútio multa.
• Delícta quis intéllegit? ab occúltis meis munda me: * et ab aliénis parce servo tuo.
• Si mei non fúerint domináti, tunc immaculátus ero: * et emundábor a delícto máximo.
• Et erunt ut compláceant elóquia oris mei: * et meditátio cordis mei in conspéctu tuo semper.
• Dómine, adjútor meus, * et redémptor meus.
• Glória Patri, et Fílio, * et Spirítui Sancto.
• Sicut erat in princípio, et nunc, et semper, * et in sǽcula sæculórum. Amen.

Psalmus 23

• Dómini est terra, et plenitúdo ejus: * orbis terrárum, et univérsi qui hábitant in eo.
• Quia ipse super mária fundávit eum: * et super flúmina præparávit eum.
• Quis ascéndet in montem Dómini? * aut quis stabit in loco sancto ejus?
• Ínnocens mánibus et mundo corde, * qui non accépit in vano ánimam suam, nec jurávit in dolo próximo suo.
• Hic accípiet benedictiónem a Dómino: * et misericórdiam a Deo, salutári suo.
• Hæc est generátio quæréntium eum, * quæréntium fáciem Dei Jacob.
• Attóllite portas, príncipes, vestras, et elevámini, portæ æternáles: * et introíbit Rex glóriæ.
• Quis est iste Rex glóriæ? * Dóminus fortis et potens: Dóminus potens in prǽlio.
• Attóllite portas, príncipes, vestras, et elevámini, portæ æternáles: * et introíbit Rex glóriæ.
• Quis est iste Rex glóriæ? * Dóminus virtútum ipse est Rex glóriæ.
• Glória Patri, et Fílio, * et Spirítui Sancto.
• Sicut erat in princípio, et nunc, et semper, * et in sǽcula sæculórum. Amen.

℣ Diffúsa est grátia in lábiis tuis.

℟ Proptérea benedíxit te Deus in ætérnum.

Pater noster... [continue silently]

℣ Et ne nos indúcas in tentatiónem:

℟ Sed líbera nos a malo.

Benedictio

℣ Jube, domne, benedícere.

Alma Virgo vírginum intercédat pro nobis ad Dóminum.

℟ Amen.

Lectio I

Sancta María, Virgo vírginum, mater et fília Regis regum ómnium, tuum nobis impénde solátium: ut cæléstis regni per te mereámur habére prǽmium, et cum eléctis Dei regnáre in perpétuum. Tu autem, Dómine, miserére nostri.

℟ Deo grátias.

Responsory

℟ Sancta et immaculáta virgínitas, quibus te láudibus éfferam, néscio: * Quia quem cæli cápere non póterant, tuo grémio contulísti.

℣ Benedícta tu in muliéribus, et benedíctus fructus ventris tui.

℟ Quia quem cæli cápere non póterant, tuo grémio contulisti.

Benedictio

℣ Jube, domne, benedícere.

Sancta Dei Génetrix sit nobis auxiliátrix.

℟ Amen.

Lectio II

Sancta María, piárum piíssima, intercéde pro nobis, sanctárum sanctíssima: per te, Virgo, nostra sumat precámina qui pro nobis ex te natus regnat super æthera: ut sua caritáte nostra deleántur peccámina. Tu autem, Dómine, miserére nostri.

℟ Deo grátias.

Responsory

℟ Beata es, Virgo María, quæ Dominum portasti, Creatorem mundi: * Genuisti qui te fecit, et in æternum permanes Virgo.

℣ Ave María, gratia plena, Dominus tecum.

℟ Genuisti qui te fecit, et in æternum permanes Virgo.

Benedictio

℣ Jube, domne, benedícere.

Nos cum Prole pia benedícat Virgo María.

℟ Amen.

Lectio III

Sancta Dei Génetrix, quæ digne meruísti concípere quem totus orbis nequit comprehéndere, tuo pio intervéntu culpas nostras áblue: ut redémpti perénnis sedem glóriæ per te valeámus scándere, ubi regnas cum eódem Fílio tuo sine témpore. Tu autem, Dómine, miserére nostri.

℟ Deo grátias.

Responsory

℟ Felix namque es, sacra Virgo María, et omni laude digníssima: * Quia ex te ortus est sol justítiæ, * Christus, Deus noster.

℣ Ora pro pópulo, intérveni pro clero, intercéde pro devóto femíneo sexu: séntiant omnes tuum juvámen, quicúmque célebrant tuam sanctam Commemoratiónem.

℟ Quia ex te ortus est sol justítiæ, Christus, Deus noster.

℣ Glória Patri, et Fílio, et Spirítui Sancto.

℟ Christus, Deus noster.

℟ Felix namque es, sacra Virgo María, et omni laude digníssima: * Quia ex te ortus est sol justítiæ, * Christus, Deus noster.

Te Deum

Hymnus Ss. Ambrosii et Agustini

• Te Deum laudámus: * te Dóminum confitémur.
• Te ætérnum Patrem * omnis terra venerátur.
• Tibi omnes Ángeli, * tibi Cæli, et univérsæ Potestátes:
• Tibi Chérubim et Séraphim * incessábili voce proclámant:

• Sanctus, Sanctus, Sanctus * Dóminus Deus Sábaoth.
• Pleni sunt cæli et terra * maiestátis glóriæ tuæ.
• Te gloriósus * Apostolórum chorus,
• Te Prophetárum * laudábilis númerus,
• Te Mártyrum candidátus * laudat exércitus.
• Te per orbem terrárum * sancta confitétur Ecclésia,
• Patrem * imménsæ maiestátis;
• Venerándum tuum verum * et únicum Fílium;
• Sanctum quoque * Paráclitum Spíritum.
• Tu Rex glóriæ, * Christe.
• Tu Patris * sempitérnus es Fílius.

• Tu, ad liberándum susceptúrus hóminem: * non horruísti Vírginis úterum.
• Tu, devícto mortis acúleo, * aperuísti credéntibus regna cælórum.
• Tu ad déxteram Dei sedes, * in glória Patris.
• Judex créderis * esse ventúrus.

• Te ergo quǽsumus, tuis fámulis súbveni, * quos pretióso sánguine redemísti.
• Ætérna fac cum Sanctis tuis * in glória numerári.
• Salvum fac pópulum tuum, Dómine, * et bénedic hereditáti tuæ.
• Et rege eos, * et extólle illos usque in ætérnum.
• Per síngulos dies * benedícimus te.

• Et laudámus nomen tuum in sǽculum, * et in sǽculum sǽculi.
• Dignáre, Dómine, die isto * sine peccáto nos custodíre.
• Miserére nostri, Dómine, * miserére nostri.
• Fiat misericórdia tua, Dómine, super nos, * quemádmodum sperávimus in te.
• In te, Dómine, sperávi: * non confúndar in ætérnum.

Ante Laudes

Prayers After the Office

Sacrosánctæ et indivíduæ Trinitáti, crucifíxi Dómini nostri Jesu Christi humanitáti, beatíssimæ et gloriosíssimæ sempérque Vírginis Maríæ fœcúndæ integritáti, et ómnium Sanctórum universitáti sit sempitérna laus, honor, virtus et glória ab omni creatúra, nobísque remíssio ómnium peccatórum, per infiníta sǽcula sæculórum.

℟ Amen.

℣ Beáta víscera Maríæ Vírginis, quæ portavérunt ætérni Pátris Fílium.

℟ Et beáta úbera, quæ lactavérunt Christum Dóminum.

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.