Compline

Office I (Candlemas to Advent), 1909 Dominican calendar

Prayers Before the Office

Aperi Dómine, os meum ad benedicéndum nomen sanctum tuum: munda quoque cor meum ab ómnibus vanis, pervérsis et aliénis cogitatiónibus; intelléctum illúmina, afféctum inflámma, ut digne, atténte ac devóte hoc Offícium recitáre váleam, et exaudíri mérear ante conspéctum divínæ Majestátis túæ. Per Christum Dóminum nostrum.

℟ Amen.

Dómine, in unióne illíus divínæ intentiónis, qua ipse in terris laudes Deo persolvísti, has tibi Horas (vel hanc tibi Horam) persólvo.

Introduction

Ave María, grátia plena, * Dóminus tecum.

Benedícta tu in muliéribus, et benedíctus fructus ventris tui, Jesus.

℣ Convérte nos ✠ Deus, salutáris noster.

℟ Et avérte iram tuam a nobis.

℣ Deus ✠ in adjutórium meum inténde.

℟ Dómine, ad adjuvándum me festína.

℣ Glória Patri, et Fílio, * et Spirítui Sancto.

℟ Sicut erat in princípio, et nunc, et semper, * et in sǽcula sæculórum. Amen. (outside lent:) Allelúia. (from Septuagesima to Holy Saturday:) Laus tibi, Dómine, Rex ætérnæ glóriæ.

Psalmus 131

• Meménto, Dómine, David, * et omnis mansuetúdinis ejus:
• Sicut jurávit Dómino, * votum vovit Deo Jacob:
• Si introíero in tabernáculum domus meæ, * si ascéndero in lectum strati mei:
• Si dédero somnum óculis meis, * et pálpebris meis dormitatiónem:
• Et réquiem tempóribus meis: donec invéniam locum Dómino, * tabernáculum Deo Jacob.
• Ecce, audívimus eam in Éphrata: * invénimus eam in campis silvæ.
• Introíbimus in tabernáculum ejus: * adorábimus in loco, ubi stetérunt pedes ejus.
• Surge, Dómine, in réquiem tuam, * tu et arca sanctificatiónis tuæ.
• Sacerdótes tui induántur justítiam: * et sancti tui exsúltent.
• Propter David, servum tuum, * non avértas fáciem Christi tui.
• Jurávit Dóminus David veritátem, et non frustrábitur eam: * De fructu ventris tui ponam super sedem tuam.
• Si custodíerint fílii tui testaméntum meum, * et testimónia mea hæc, quæ docébo eos:
• Et fílii eórum usque in sǽculum, * sedébunt super sedem tuam.
• Quóniam elégit Dóminus Sion: * elégit eam in habitatiónem sibi.
• Hæc réquies mea in sǽculum sǽculi: * hic habitábo quóniam elégi eam.
• Víduam ejus benedícens benedícam: * páuperes ejus saturábo pánibus.
• Sacerdótes ejus índuam salutári: * et sancti ejus exsultatióne exsultábunt.
• Illuc prodúcam cornu David, * parávi lucérnam Christo meo.
• Inimícos ejus índuam confusióne: * super ipsum autem efflorébit sanctificátio mea.
• Glória Patri, et Fílio, * et Spirítui Sancto.
• Sicut erat in princípio, et nunc, et semper, * et in sǽcula sæculórum. Amen.

Psalmus 132

• Ecce ‡ quam bonum et quam jucúndum, * habitáre fratres in unum:
• Sicut unguéntum in cápite, * quod descéndit in barbam, barbam Aaron,
• Quod descéndit in oram vestiménti ejus: * sicut ros Hermon, qui descéndit in montem Sion.
• Quóniam illic mandávit Dóminus benedictiónem, * et vitam usque in sǽculum.
• Glória Patri, et Fílio, * et Spirítui Sancto.
• Sicut erat in princípio, et nunc, et semper, * et in sǽcula sæculórum. Amen.

Psalmus 133

• Ecce nunc benedícite Dóminum, * omnes servi Dómini:
• Qui statis in domo Dómini, * in átriis domus Dei nostri.
• In nóctibus extóllite manus vestras in sancta, * et benedícite Dóminum.
• Benedícat te Dóminus ex Sion, * qui fecit cælum et terram.
• Glória Patri, et Fílio, * et Spirítui Sancto.
• Sicut erat in princípio, et nunc, et semper, * et in sǽcula sæculórum. Amen.

Capitulum

Eccli. 24

Ego mater pulchræ dilectiónis, et timóris, et agnitiónis, et sanctæ spei.

℟ Deo grátias.

℟ Intercéde pro nobis, sancta Virgo vírginum, * Mater Dei, María.

℟ Intercéde pro nobis, sancta Virgo vírginum, * Mater Dei, María.

℣ Ut digni efficiámur promissiónibus Christi.

℟ Mater Dei, María.

℣ Glória Patri, et Fílio, * et Spirítui Sancto.

℟ Intercéde pro nobis, sancta Virgo vírginum, * Mater Dei, María.

Hymnus

Virgo singuláris,
Inter omnes mitis,
Nos culpis solútos
Mites fac et castos.

Vitam præsta puram,
Iter para tutum,
Ut vidéntes Iesum,
Semper collætémur.

Sit laus Deo Patri,
Summo Christo decus,
Spirítui Sancto,
Tribus honor unus.

Amen.

Post partum, Virgo, invioláta permansísti.

Dei Génitrix, intercéde pro nobis.

Canticum Nunc dimittis

• Nunc dimíttis ✠ servum tuum, Dómine, * secúndum verbum tuum in pace:
• Quia vidérunt óculi mei * salutáre tuum,
• Quod parásti * ante fáciem ómnium populórum,
• Lumen ad revelatiónem géntium, * et glóriam plebis tuæ Israël.
• Glória Patri, et Fílio, * et Spirítui Sancto.
• Sicut erat in princípio, et nunc, et semper, * et in sǽcula sæculórum. Amen.

Oratio

℣ Dómine, exáudi oratiónem meam.

℟ Et clamor meus ad te véniat.

Orémus.

Concede, miséricors Deus, fragilitáti nostræ præsidium: ut, qui sanctæ Dei Genetrícis memóriam ágimus, intercessiónibus ejus auxílio a nostris iniquitátibus resurgámus. Per eúmdem Dominum nostrum Jesum Christum Filium tuum, qui tecum vivit et regnat in unitáte Spíritus sancti Deus, per ómnia sæcula sæculórum.

Amen.

Conclusion

℣ Dómine, exáudi oratiónem meam.

℟ Et clamor meus ad te véniat.

℣ Benedicámus Dómino.

℟ Deo grátias.

Compline Procession

Salve Regina

Salve, Regína, mater misericórdiæ;

Vita, dulcédo, et spes nostra, salve.

Ad te clamámus éxules fílii Hevæ.

Ad te suspirámus geméntes et flentes in hac lacrimárum valle.

Eia ergo, Advocáta nostra, illos tuos misericórdes óculos ad nos convérte.

Et Iesum, benedíctum fructum ventris tui, nobis post hoc exsílium osténde.

O clemens, O pia, O dulcis Virgo María.

℣ Dignáre me laudáre te, Virgo sacráta. T.P. Allelúia.

℟ Da mihi virtútem contra hostes tuos. T.P. Allelúia.

Orémus.

Concede nos fámulos tuos, quæsumus, Dómine Deus, perpétua mentis et córporis salúte gaudére: et gloriósa beátæ Maríæ semper Vírginis intercessióne a præsénti liberári tristítia, et ætérna pérfrui lætítia. Per Christum Dominum nostrum.

Amen.

℣ Ora pro nobis, beáte Pater Domínice. T.P. Allelúia.

℟ Ut digni efficiámur promissiónibus Christi. T.P. Allelúia.

Orémus.

Concede, quæsumus, omnípotens Deus, ut qui peccatórum nostrórum póndere prémimur, beáti Domínici Confessóris tui, Patris nostri, patrocínio sublevémur. Per Christum Dóminum nostrum.

Amen.

℣ Ave María, grátia plena, * Dóminus tecum.

℟ Benedícta tu in muliéribus, et benedíctus fructus ventris tui, Jesus.

Litaniæ Lauretanæ B.M.V.

Kýrie, eléison.

℟. Christe, eléison.

Kýrie, eléison.

Christe, audi nos.

℟. Christe, exáudi nos.

Pater de cælis, Deus,

℟. miserére nobis.

Fili, Redémptor mundi, Deus,

℟. miserére nobis.

Spíritus Sancte Deus,

℟. miserére nobis.

Sancta Trínitas, unus Deus,

℟. miserére nobis.

Sancta María,

℟. ora pro nobis.

Sancta Dei Génetrix,

℟. ora pro nobis.

Sancta Virgo vírginum,

℟. ora pro nobis.

Mater Christi,

℟. ora pro nobis.

Mater Ecclesiae,

℟. ora pro nobis.

Mater Misericordiae,

℟. ora pro nobis.

Mater Divinæ grátiæ,

℟. ora pro nobis.

Mater spei,

℟. ora pro nobis.

Mater puríssima,

℟. ora pro nobis.

Mater castíssima,

℟. ora pro nobis.

Mater invioláta,

℟. ora pro nobis.

Mater intemeráta,

℟. ora pro nobis.

Mater amábilis,

℟. ora pro nobis.

Mater admirábilis,

℟. ora pro nobis.

Mater boni Consílii,

℟. ora pro nobis.

Mater Creatóris,

℟. ora pro nobis.

Mater Salvatóris,

℟. ora pro nobis.

Virgo prudentíssima,

℟. ora pro nobis.

Virgo veneránda,

℟. ora pro nobis.

Virgo prædicánda,

℟. ora pro nobis.

Virgo potens,

℟. ora pro nobis.

Virgo clemens,

℟. ora pro nobis.

Virgo fidélis,

℟. ora pro nobis.

Spéculum iustítiæ,

℟. ora pro nobis.

Sedes sapiéntiæ,

℟. ora pro nobis.

Causa nostræ lætítiæ,

℟. ora pro nobis.

Vas spirituále,

℟. ora pro nobis.

Vas honorábile,

℟. ora pro nobis.

Vas insígne devotiónis,

℟. ora pro nobis.

Rosa mýstica,

℟. ora pro nobis.

Turris Davídica,

℟. ora pro nobis.

Turris ebúrnea,

℟. ora pro nobis.

Domus áurea,

℟. ora pro nobis.

Fóederis arca,

℟. ora pro nobis.

Iánua cæli,

℟. ora pro nobis.

Stella matutína,

℟. ora pro nobis.

Salus infirmorum,

℟. ora pro nobis.

Refugium peccatórum,

℟. ora pro nobis.

Consolátrix afflictórum,

℟. ora pro nobis.

Auxílium Christianórum,

℟. ora pro nobis.

Regína Angelórum,

℟. ora pro nobis.

Regína Patriárcharum,

℟. ora pro nobis.

Regína Prophetárum,

℟. ora pro nobis.

Regína Apostolórum,

℟. ora pro nobis.

Regína Mártyrum,

℟. ora pro nobis.

Regína Confessórum,

℟. ora pro nobis.

Regína Vírginum,

℟. ora pro nobis.

Regína Sanctórum ómnium,

℟. ora pro nobis.

Regína sine labe origináli concepta,

℟. ora pro nobis.

Regína in caelum assumpta,

℟. ora pro nobis.

Regína Sacratíssimi Rosárii,

℟. ora pro nobis.

Regína pacis,

℟. ora pro nobis.

Agnus Dei, qui tollis peccáta mundi,

℟. parce nobis, Dómine.

Agnus Dei, qui tollis peccáta mundi,

℟. exáudi nos, Dómine.

Agnus Dei, qui tollis peccáta mundi,

℟. miserére nobis.

℣ Ora pro nobis sancta Dei Génetrix. T.P. Allelúia.

℟ Ut digni efficiámur promissiónibus Christi. T.P. Allelúia.

Gratiam tuam, quǽsumus, Dómine, méntibus nostris infúnde: ut qui Angelo nuntiánte Christi Fílii tui incarnatiónem cognóvimus, per passiónem ejus et crucem ad resurrectiónis glóriam perducámur. Per eúndem Dóminum nostrum.

Amen.

Invioláta, intácta et cásta es María,
Quæ es effécta fúlgida cæli porta,
O Mater alma Christi caríssma!
Súscipe pia laudum præcónia.
Nostra ut pura péctora sint et córpora:
Te nunc flágitant devóta corda et ora.
Tua per precáta dulcísona,
Nobis concédas véniam per sǽcula.
O benígna, quæ sola invioláta permanísti. P.T. Allelúia.

℣ Ora pro nobis sancta Dei Génetrix. T.P. Allelúia.

℟ Ut digni efficiámur promissiónibus Christi. T.P. Allelúia.

Orémus.

Gratiam tuam, quǽsumus, Dómine, méntibus nostris infúnde: ut qui Angelo nuntiánte Christi Fílii tui incarnatiónem cognóvimus, per passiónem ejus et crucem ad resurrectiónis glóriam perducámur. Per eúndem Dóminum nostrum.

Amen.

℣ Post partum, Virgo, invioláta permansísti. T.P. Allelúia.

℟ Dei Génitrix, intercéde pro nobis. T.P. Allelúia.

Orémus.

Protege, Dómine, fámulos tuos subsídiis pacis: et, beátæ Maríæ semper Vírginis patrocíniis confidéntes, a cunctis hóstibus redde secúros. Per Christum Dóminum nostrum.

Amen.

℣ Ora pro nobis, beáte Pater Domínice. T.P. Allelúia.

℟ Ut digni efficiámur promissiónibus Christi. T.P. Allelúia.

Orémus.

Concede, quæsumus, omnípotens Deus, ut qui peccatórum nostrórum póndere prémimur, beáti Domínici Confessóris tui, Patris nostri, patrocínio sublevémur. Per Christum Dóminum nostrum.

Amen.

Ave Maria

℣ Ave María, grátia plena, * Dóminus tecum.

℟ Benedícta tu in muliéribus, et benedíctus fructus ventris tui, Jesus.

Prayers After the Office

Sacrosánctæ et indivíduæ Trinitáti, crucifíxi Dómini nostri Jesu Christi humanitáti, beatíssimæ et gloriosíssimæ sempérque Vírginis Maríæ fœcúndæ integritáti, et ómnium Sanctórum universitáti sit sempitérna laus, honor, virtus et glória ab omni creatúra, nobísque remíssio ómnium peccatórum, per infiníta sǽcula sæculórum.

℟ Amen.

℣ Beáta víscera Maríæ Vírginis, quæ portavérunt ætérni Pátris Fílium.

℟ Et beáta úbera, quæ lactavérunt Christum Dóminum.

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.